【新增內容】

上周六喺九展舉行粉絲見面會嘅韓國男團Highlight，其官方主頁噚日就表示根據上月兵役法嘅修改，現年28歲嘅成員尹斗俊難以進行海外行程，聽日喺越南河內舉行嘅活動，以及本月24號喺曼谷舉行嘅見面會，尹斗俊將缺席相關活動，同時亦表示將會協會有意退票嘅粉絲，減少粉絲嘅損失。

估計下月29歲嘅尹斗俊就快入伍，而佢有份主演嘅tvN劇《一起吃飯吧3》將於下月播出。另外，成員李起光曾喺節目上透露Highlight有意一齊入伍嘅計劃。

對於尹斗俊方面指因更改兵役無法出國一事，兵務廳表示：「兵役法修例係針對25歲至27歲未服役嘅人，1989年出世嘅尹斗俊並唔喺相關範圍內，佢能否出國仍按照原來嘅兵役法由地方兵務廳決定，所以尹斗俊無法出國與兵役法嘅修改無關係。」引起爭議。

直到晚上，尹斗俊方面再度發聲明表示：「前一日通過官方主頁發佈嘅關於尹斗俊無法出國嘅公告文，引起大家嘅混亂，喺呢度向大家表示好抱歉。尹斗俊此前因為膝蓋受傷及相關疾病而申請延期入伍，而最近兵役法對延期入伍嘅對象加強出入國嘅審查標準，所以近日尹斗俊出國變得困難，所以之前提到上月29號兵役法修例並唔係影響尹斗俊無法出國嘅直接原因。再一次就之前嘅發文道理，並承諾之後傳遞藝人相關消息時會更加慎重及再三確認。」

更多韓流，喺晒《娛果》
http://fb.com/appledailyent