鄭秀文前晚以電影節大使身份到會展出席第31屆香港國際電影節開幕酒會，開幕電影《母親》的導演山田洋次、演員淺野忠信及《蝴蝶》導演張作驥等都有出席。

Sammi負責頒感謝狀予開幕電影的導演及演員，她還大力推介許鞍華執導的《天水圍的日與夜》及劉國昌的《圍城》，因兩齣戲均能帶出社會問題。
Sammi表示未去過天水圍，但想到濕地公園舉行演唱會，加上教會力量去傳道更好。
Sammi如此關心時事，問她對近日的鳳姐連環被殺案有何看法，她說：「我有留意，好恐怖呀，我想知警方點樣查到同捉到兇手，好佩服佢哋，係值得表揚㗎。性工作者都需要人尊重，任何人都冇特權去批評其他人。」

談有傳黎明與樂基兒結婚一事，同屬林建岳旗下的Sammi說：「假嘅唔需要回應，我同事證實咗係假。結婚係開心事，每個人都需要，係人生入面一個環節，但未必一定要經歷。」Sammi表示自己也想結婚，她謂：「幾恨啦，少少恨啦，我好羨慕佢哋咁sweet，佢哋咁拍拖有一定難度，佢哋都係事業心旺盛嘅人，未結婚都可以理解嘅。」
Sammi謂即使公開拍拖很麻煩，但她也願意，假如有對象，她不會故意宣佈，不過被發現就不會否認。
採訪：藍文浩
攝影：葉君海