「吉利高」、「喜利高」馬主蔡業良養馬多年，亦係好客之人，每逢農曆新年前，佢都會大搞團年飯，除咗請自己公司一眾員工同馬房手足外，亦會邀請一班馬經記者和攝記們出席，務求大家一起同歡。今年亦不例外，蔡業良透露已鐵定下月18日舉行團年宴，兩匹愛駒「吉利高」、「喜利高」所屬嘅文家良同徐雨石馬房員工，一個都不能少喎！
蔡業良今季養馬運認真唔錯，「吉利高」打疊贏三場，周四晚將上陣嘅「喜利高」季內亦有馬贏，後駒今仗出到韋達，顯示戰意如虹，如果呢次贏埋，相信下月團年宴氣氛會更high。