電影《移動迷宮》（TheMazeRunner）23歲女星KayaScodelario，同33歲男星賓域加（BenjaminWalker）拍拖半年後，喺去年12月訂婚，兩人訂婚一年，一直未有透露婚期，不過因為Kaya前日喺Instagram公開咗一張相露口風，影迷都相信佢應該好事近。

Kaya前日公開咗一張相仲寫下「感謝將這條街命名為『新娘街』＃好激動」嘅字句，手上面拎住嘅似乎係婚紗，影迷都相信佢應該已經定咗婚期，現時忙於辦嫁妝，所以都紛紛留言恭喜佢。

賓域加曾經同梅麗史翠普（MerylStreep）嘅演員女兒MamieGummer結婚，兩人婚姻只維持咗兩年，喺2013年離婚，佢喺2014年就透過合作《TheMoonandtheSun》邂逅Kaya。