日本電視雜誌《TheTelevision》主辦嘅日劇學院獎,今日公佈今年春季日劇得獎名單,上季有木村拓哉主演嘅《I’mHome》及堺雅人嘅《Dr.倫太郎》,但兩個收視天王都不敵佐藤健,佢主演嘅《天皇的主廚》,9個獎項中奪得6項,佐藤仲封打低木村同堺雅人封上季視帝。
除咗佐藤封最佳男主角之外,《天皇的主廚》仲攞咗最佳劇本、最佳劇集、最佳導演,而為拍呢套劇減咗超過40磅扮病人嘅鈴木亮平,就獲最佳男配角,扮演佐藤老婆嘅黑木華就獲得最佳女配角。至於最佳女主角方面,就係由AKB48前一姐大島優子,憑住《脫黑救星》一劇奪得,佢係入面唔用替身打到飛起,被讚可以做打女!