己為人母嘅天后孫燕姿，其造型一樣跟潮流又夠Yeah，近日她染了一頭橙色頭髮，今日喺尖沙嘴為佢7月嘅紅館舉行演唱會宣傳，有歌迷特製曲奇餅以表心意。

歌手開演唱會門票售價有高低，孫燕姿今次票價最高為980元，都幾貴喎，但佢認為物有所值，仲好堅定咁話：「值得，我很賣命的，個唱要付出體力，有舞蹈、不對嘴（指咪嘴）。」

雖然只作3場演出，但孫燕姿要求先做兩場，休息一日，再做尾場，唔通體力同唱功不足以應付？孫燕姿話：「這是我要求的，體力會比較好，每場也做到百份百好。」至於佢一頭橙髮造型，佢笑笑口話阿仔好喜歡，孫燕姿又話未知屋企人屆時會唔會飛嚟香港睇騷。

另外，講到王力宏宣佈太太李靚蕾懷孕5個月，孫燕姿笑稱王力宏為趕進度，私下會畀佢好多意見，又話從外表睇，王力宏會是個好爸爸：「從此生活會不一樣，會很豐富。」佢哋到時就可以交流育兒心得。