當年今日
關於我們

701收料站:恆安業績料唔差

蘋果日報 2004/08/06 00:00


大市忽然氣勢如虹,升成211點咁多,確係令小初興奮。但二三線股在現階段似乎仍未成氣候,所以經紀黃話為穩陣計,都係吼住基金有貨嘅股票,話晒有大隻佬睇場,始終安心好多。
其中恒安國際(1044)可留意,隻股下月初公布中期業績。有分析員話,估計盈利升幅唔細。雖然女性衛生用品同埋紙巾的原材料價格升咗唔少,但據講冇乜影響公司嘅毛利率。
另外,作為主要增長動力嘅高檔紙巾產品,增長亦唔錯,據講公司想繼續在湖南、山東同廈門興建新的生產線。恒安昨日升4.87%,收4.85元,成交股數有107萬股,金額513萬元。
噚日大升市一樣有股票跌幅驚人,就係做電腦動畫嘅環球數碼創意(8271),股價失驚無神勁跌54.5%,收0.15元,成交股數2266萬股,金額405萬元。
經紀陳話隻股唔係斬倉,只不過剛好上市一周年,有部份策略性投資者在過咗禁售期後沽貨,所以股價先至搞成咁。
慕容小初