【華麗轉身】蘇志威賣禮服帶挈 兩店轉型賣西裝
蘇志威LUXE TUXEDO
草蜢成員之一蘇志威多年前早已華麗轉身攻入商界，他與拍檔合資的禮服店LUXE TUXEDO開業7年至今已有3間分店，近年生意更擴展至西裝訂造。雖然目前只有一間分店主力賣禮服，但不代表看淡婚嫁市場。蘇志威預告將在婚紗展罕有劈價，笑言減價不是年度指定動作，準新人要把握機會。
「其實我哋開頭係諗住做一啲禮服嘅生意，有啲客覺得做完（套衫）出嚟，個型好靚喎，著得好舒服喎，咁我哋就慢慢轉咗去做西裝」，現時灣仔及中環分店專造西裝訂制，尖沙咀分店則主攻禮服生意。談及生意額，他始終三緘其口，「夠養到我咁多人囉，個個員工都開心囉」，計及裁縫師、工場等員工數目約30人。
雖然西裝是不少男士的「校服」，但男士禮服的需求也不少，基於「土地問題」，香港居住空間細，收納空間有限，租借禮服需求與婚紗不相伯仲。「丟我又唔捨得，著我又好少著，咁點呢？咁不如租一套啦」，以3日2夜計算，租借一套禮服起價2000元起，比訂造動輒近萬元的確比較划算；公司亦顧及訂造禮服的客人，因禮服本身設計較隆重，若客人婚後想禮服仍然派得上用場，「我哋可以同佢換過晒啲褸呀，啲領呀，變得casual啲，咁就出席party都著得，係免費嘅」。
蘇志威的禮服店，賣點是非每位男士能接受的顏色鮮艷禮服，「當初都怕市場唔接受，我最記得當初第一套出嚟係粉紅色嘅，有套湖水藍，好驚男士會唔敢試上去，咁真係唔敢試上去，啲sales都話佢哋唔敢試，但試咗上去就唔想除出嚟」，其實男士也愛美，只是未有勇氣突破，「原來試咗係靚嘅呢，佢哋係會接受」。
今年公司於婚紗展擺設攤位，但蘇志威坦言：「唔想畀人形象每年蘇生喺嗰個時候都會減價劈價」，參展旨在「回饋客人」，平日從不減價吸客，但參展的生態是劈價做招徠，公司亦會加入戰團，部分禮服送恤衫連皮鞋低至半價。