「Son姐，你好！小弟任職公營機構，最近幾年，一路都有見升職board，但無一次得。每次都有自我反省練習……眼見有啲junior過我嘅，又唔係好有面試技巧嘅都升到，真係愈見愈無信心了……我自問工作盡力，又主動，又幫到老闆手。無奈自己老闆就話大大老闆唔鍾意佢，所以連帶我跟佢嘅都無運行。最近，我和同事一齊去升職試，結果佢得我唔得。雖然我都戥佢開心，但我對自己嘅升職真係感到好無助。對於升職面試技巧，我請教過老細和同事，自己又不斷練習。但一去到面試時，人哋一問我，有時我就好似腦海內一片空白，或者只能夠答到少少。真係越見越冇信心！所以想請教你，謝謝！」

你的心情有幾灰我明白，但你越灰就越沒有信心，沒有信心就沒有機會，所以你一定要先振作，克服自己的恐懼。工作努力是必須的，但不是你升職的條件。你的問題出自於你只是着重面試技巧的問題。如果面試只是講技巧，個個都是角色扮演，你去上戲劇班不就得了？

我問你，憑昨日的經驗如何面對明天的挑戰？你為升職做了些什麼準備？你又憑什麼可以勝任？很多求職者也好想升職這也好，都犯了相同的錯誤，就是不斷重複練習想像對方會問自己的問題，然後不斷背誦自己認為天衣無縫實冇死嘅答案。像不像我們以前考試明明背得滾瓜爛熟，偏偏見到試卷的時候腦內一片空白？

面試官每日見人多過食飯，你是真心還是心虛有幾多斤両怎可能看不出來？放棄你的那些面試技巧，不需要作無謂揣測，以最真誠的態度直接了當的答案，言必有衷實話實說，還有什麼好緊張擔心的？

屢敗屢戰，最緊要鬥志高昂！等你升職請我食飯慶祝！

張慧敏

每晚送5萬！星期一至五晚上10點半
《動腦Q》Let’s Q the money！
http://bit.ly/2QW8LcI