不知是否年紀尚幼還是已經身經百戰,斌仔對於要做腦部手術,擺出沒大不了的樣子,聳一聳肩說:「唔怕,希望做完手術可以快啲返學校同啲同學仔玩。」
斌仔的堅強表現,猶如為其母陳太注入一支強心針。「佢唔驚,我個心都安樂啲,壓力冇咁大,令我覺得佢係有希望嘅。」陳太說。
惟斌仔的父親陳超通坦言沒有兒子那份勇氣,他說:「我直頭由個心入面震出嚟,但我一定要撐住,不過驚之中亦帶住一份希望。」
視力不斷惡化
記者特地在斌仔接受手術前數天,帶他到快餐店大快朵頤。已年多沒有吃過雞翼的他,見到炸得金黃香脆的雞翼時,不禁食指大動,吃得津津有味,暫且忘卻病痛。
祖籍中山的斌仔,去年底不幸發現患上腦癌,現時腫瘤壓着他的視覺神經,若不及早將腫瘤切除,恐有失明之虞。斌仔的父母於上月帶他來港求醫,希望藉着本港優良的醫療技術,增加斌仔的活命機會。
「我哋係嚟到香港再做檢查,先知道原來佢嘅視力已經受到影響,睇唔到側邊嘅嘢。醫生話佢呢幾日視力又再差咗,如果唔做手術,第日佢真係盲咗咁點算?佢𠵱家先得嗰八歲咋!」陳太含淚說道。