韓國「馬舞女」泫雅形象性感，不時有破格演出。日前泫雅演出綜藝節目《認識的哥哥》時，就提到自己做過嘅破格事情。

節目中，泫雅提到前年準備solo碟《A+》時嘅幕後花絮，表示：「拍攝《A+》預告片時，去咗LA跟外國朋友飲酒、一齊玩，而且仲有半裸。我認為於自己最靚嘅年紀時，點解要壓抑自己？我要突破自己，呢件事本身就係破格。」