【新增回應】
情路兜兜轉轉…以為搵到真命天子，點知甜蜜唔夠一年，就處理磨合期，學習相處都唔係一件易事!!

日前陳雅倫先喺周刊公開自己有個夫婚夫Martin Wong，對方仲係吳彥祖表哥，據知陳雅倫上年喺朋友聚會識到Martin(新聞連結： http://bit.ly/2kXpBs4 )，二人拍拖半年即訂婚，未知係唔係公開戀情，令Martin覺得有壓力，早前更被雜誌影到二人當街狂啜，Martin更懷疑有人放料，搞到陳雅倫於fb發毒誓「若我做過，全家死」，其後又暗示冇諗過要分手(新聞連結： http://bit.ly/2kK3CJT )!

今日有周刊爆陳雅倫婚事隨時搞唔成，亦有指係因為Martin身邊友人造遙，對佢哋婚事有壓力，令Martin打退堂鼓，亦有指係因Martin同舊愛仍未搞清楚關係，據報道稱Martin同舊愛育有一個兩歲大嘅囝囝，知情者更指Martin從來冇諗過同舊愛長久，不過家人知對方有咗，又恨抱孫，所以Martin先爭囝囝個撫養權。

此外，周刊又指，Martin上周四並冇去北京同陳雅倫過生日，反而一個人留港，去咗尖沙嘴夜蒲，
玩到凌晨3點左右先返去，報道更爆有次佢去蒲，有朋友恭喜佢就嚟結婚，佢即有啲黑面，叫大家唔係信吓話，到時睇吓點，又指自己連結婚戒指都未買，又覺得婚事似俾人擺上枱。

陳雅倫今日接受《蘋果》訪問時，澄清二人相處完全冇問題，識Martin嗰陣，已經知對方有個兩歲大嘅小朋友，佢仲嬲爆講：「相處好好，男朋友唔係圈中人冇必要承受呢啲，我有責任保護佢，邊個再搞佢，即係同我過唔去！」