越來越多香港人鍾意踩單車，學校就係培養單車運動員嘅好地方，新地今年同中國香港單車總會攜手推出「新地單車學院2018先導計劃」，計劃口號為「走進校園、踏出潛能」，冀為中學生提供專業單車培訓，包括基礎技術培訓、場地單車訓練及外展活動等，唔少前港隊成員同香港單車總會註冊場地教練會擔任導師，參與計劃嘅學校仲獲提供智能單車機及場地單車器材。

計劃喺本學年目標合作中學有20間，預計有200名學生參與，而喺今日啟動禮上，三名不同界別單車好手，包括行會成員林正財醫生、新地執董郭基煇同前港隊成員黃金寶仲喺教學模擬中做示範，即席切磋一番。唔好問邊個贏，因為都係「打和啦，Super！」