韓國男團BEAST出道7年，今年因為成員張賢勝退團，令組合由6人變成5人，不過5人一條心，冇話因爲少咗一個人而影響組合。
下個月中BEAST就會同所屬嘅CUBE事務所合約滿約，據知現時BEAST仲未同CUBE續約，雖然CUBE方面有向BEAST成員傳達咗續約嘅條款，但因為有唔少公司向佢哋招手，令BEAST仍在考慮未來嘅方向。另外，BEAST今晚會喺香港亞博館舉行粉絲見面會，佢哋噚晚已抵港做準備。