「洗米嫂」陳慧玲（Heidi）成為「唯一周太」，上兩個月仲全家出動，又貼咗全家福（新聞連結： http://bit.ly/2o4puxL ），兩公婆和好如初，好幸福呢！

洗米嫂今日又再喺instagram報喜，呢次佢着上畢業袍，貼咗兩張合照，《蘋果》啱啱就問過佢，除咗獲ACADEMY OF MULTI-SKILLS UNITED KINGDOM頒發院士，同場仲獲頒「美國總統社會服務終身榮譽勳章」，雙喜臨門。呢個勳章係頒發俾啲喺志願工作咗超過4,000小時嘅義工或者機構，洗米嫂回覆《蘋果》話：「好開心獲頒呢兩個獎，要將呢份榮譽同媽咪分享。」佢仲透露下個月仲會做埋博士添。