38歲陳敏之舊年底生咗囝囝「雷冬至」之後，喺今年初就極速復出拍《溏心風暴3》，敏之仲不時被影到拍外景，修身速度真係快到呢！

除咗開工之外，佢又成日update自己FB同IG，除咗勁post阿仔「雷冬至」，日前佢又勁晒佢嘅招牌長腿，做咗人母之後一啲都冇走樣，真係keep到好fit。今日佢又再post開工相，而今次就係同佢有好多對手戲，喺戲中飾演佢情夫嘅唐文龍，唐文龍今次係以自由身返大台拍呢套劇，真係出盡力，不時見到佢post做gym嘅相。

而敏之睇嚟都知道拍檔好努力咁keep好副body，佢凌晨post咗張同唐文龍嘅合照，相中敏之個頭濕晒咁疑似係拍落水戲，而唐文龍上身全祼咁，嗰六粒「朱古力」真係數得出o架！敏之都留言話：「話說有人日操夜操！果然有成績！」