今年年頭韓劇《鬼怪》熱爆亞洲，仲帶挈兩位男主角孔劉同李棟旭人氣急升，早前收費台OCN就宣佈會製作新劇《Black》，《Black》劇情係講地獄使者借人類嘅身體，點知喺人間就愛上一名女子，不過佢因為冇遵守做地獄使者嘅本份，加上違反天規，所以失去咗人間記憶。

當時唔少網民都估計地獄使者呢一角會唔會落在喺《鬼怪》中同樣飾演地獄使者嘅李棟旭身上，不過今日韓國方面就傳來消息，《Black》將由宋承憲孖高雅娜出演，兩人亦已確定演出，劇集預計於今年下半年播出。

另外，李棟旭今日就現身機場出發去日本工作，而《鬼怪》女主角金高恩亦有望與朴正民出演由《王的男人》導演李俊益執導嘅新片《邊山》，電影講沉迷Hip hop音樂嘅Rapper因為患病父親再次而再次返回家鄉所展開嘅故事。