【新增影片】

九龍建業（034）市務及銷售部總經理楊聰永一向喜歡搞噱頭，今日介紹西營盤63 Pokfulam又有新搞作，請來有「女版黃金寶」、「鐵血女車神」的稱號的前港隊女單車手黃蘊瑤到場試用會所設施，二人更即場比賽，試玩會所的模擬實景單車機，以西九龍的道路為背景，女單神輕鬆踩車就預料之中，楊聰永踩予兩三分鐘都無咩喘氣，睇來都幾fit。

黃蘊瑤試玩後指，覺得設施幾好，可以給予一些業餘人士安全地玩樂，問及對香港樓市的看法，她都覺得的確貴，會否難過比賽取冠軍，她笑言「都係架！」，又指自己都想置業，如果買樓，都應該考慮返自小長大的沙田區置業。現階段努力做好自己工作為先。

楊聰永指，項目開放式有100伙，面積209-275方呎，一房有150伙，面積269-305方呎，一房半75伙，面積308-318方呎，三房25伙，面積494方呎。示範單位共6個，明日開放部份，最快明日上樓書，如無意外下周開價，下月中賣樓，會所總面積7400方呎。

記者：黃嘉銘

掌握財經地產資訊，即Like「蘋果ATM」fb專頁啦！
http://fb.com/appledailyatm