楊千嬅唱完三首歌，即《繼續努力》、《熱血青年》同《放煙花》之後，台上繼續放煙花，又播片，先見到一啲夜晚街景，然後見林海峰扮DJ咁話：「今晚就係除夕，好多地方都有慶祝活動，交俾出面嘅記者。」記者就接力話出面好多人慶祝，情侶一對對咁啦，為對方製造驚喜。

林海峰再話:「倒數係因為，時間係向前走，人生出世嗰刻就開始倒數。不過有個姓楊嘅人，心口有個勇字，無論遇到咩事，佢都係一二三GO!」然後千嬅就唱《數你》，當時千嬅係升上半空，離台最少15米，頭頂有個天使圈，畫面好靚。