彭順因背住太太李心潔偷食0靚模李悅彤（Liddy），喺圓方又攬又咀，完全當老婆冇到，事件震撼娛樂圈，彭順及Liddy遭全城插爆。

彭順前日已經飛返馬國箍煲挽救婚姻，事件發生數天，兩人嘅圈中好友包括郭富城及楊采妮等，先後回應過事件，而其他圈中人亦曾各抒己見。

今午近五時半，彭李喺微博發表聯合聲明，雖然心潔話同老公坐低「面對對與錯﹑快樂與痛苦﹑過去和未來」，仲話會一齊去面對，字裡行間，心潔似乎原諒彭順，表示佢哋呢個時候要共度難關；

不過又正如聲明所言：「未來是未知」，發生咗彭順偷食事件後，據知心潔其實未真正原諒彭順，只係想待事件丟淡，大眾將注意力放喺其他事情上，再睇下係咪考慮同彭順離婚。

另外，聲明中兩人心情一定很難過，不過奇就奇在呢個聯名聲明內，竟然冇半隻彭順對太太嘅道歉字句喎!



【壹錘定音.李慧玲】6月4日早上8點正式開咪!
即like【壹錘定音】facebook專頁！
https://www.facebook.com/hammerout.hk