男子組合MIRROR成員姜濤、盧瀚霆（Anson Lo）和江熚生（Anson Kong）今日在尖沙嘴出席服飾品牌活動，吸引數百粉絲到場舉牌支持，每當三子一舉手一投足，粉絲們的尖叫聲立時此起彼落，大叫「好靚呀！」

今次是他們首次行騷，姜濤笑謂：「咁睇得起我哋。」Anson Lo則表示感覺好奇怪：「大會叫我哋行慢啲，我就完美示範慢行同尷尬，大會仲話擺下得意甫士，所以我就整一整件衫。」

問到事前有甚麼準備功夫？Anson Kong說：「多啲做Gym，同場嘅外國model高大威猛，線條又好，令我諗起我哋同佢哋就好似ERROR嘅肥仔同193。」Anson Lo笑說：「覺得自己太細粒，唔夠大隻。」為了今次行騷，姜濤直言這兩天不敢吃太多，又指自己行騷時感到尷尬：「好彩佢哋兩個行先，心理上就有啲準備。」Anson Lo笑指姜濤臨出場時不停郁，還以為對方會Moon Walk出場，姜濤就笑指Anson Kong：「你仲好笑啦，講咗唔Chok，但你行兩步就行頭昂昂。」

對於《全民造星II》星級導師劉美君因撐警，最終被ViuTV抽走，改由陳潔靈頂上，Anson Kong說：「上年我係劉美君嗰組，所以今年新年，我同佢都有私下短訊聯絡，後來先知件事，但冇辦法，都唔係我哋控制到。」談及劉美君和陳潔靈風格不同，會否難以適應？Anson Lo說：「陳潔靈搞笑幽默，乜都唔介意，叫我哋大膽嘗試。」姜濤則謂：「我期待之後同陳潔靈接觸。」

採訪：黃曉妍
攝影：陳俊強、林賓尼

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港