買相機好多人都會揀牌子，不過數碼相機已經變成全民產品，即使名廠機都唔一定代表貴喎，好似SONY最新推出呢部S730只須畀$999就有得玩！價錢咁吸引，功能亦走大眾化路線，提供720萬像素拍攝，同最近的千萬像素相機相比較輸蝕，不過S730其實已夠應付印製A3照片喇！對於隨處影相嘅用家，S730提供一個方便轉盤，只要轉到高感光模式，就能用到ISO1250，即使燈光不足亦能輕鬆拍攝。若然你對攝影唔在行，當中內置功能指引及Menu，也可指引用家進行拍攝，再加上2.4吋LCD能夠顯示各種拍攝及光暗分佈等資料，對新手用家非常啱玩！