阿芝戀過外國人,亦認過出櫃,但最終情歸「閃電俠」,阿芝不介意被指雙性戀,她率性談愛情觀:「我細個讀女校暗戀過師姐,喺我眼中,人就係人囉,冇特別分男女性別,我唔睇對方背景、身家、職業,冇理佢有幾層樓、幾架車。人同人最後係憑感覺,有時分得太多,就唔可以穿透外在資料,去望真嗰個人嘅靈魂,我喜歡嗰個人,就係喜歡佢嘅靈魂。」阿芝笑言跟閃電俠關係:「互相食住。」兩人婚後未有造人計劃。
阿芝早年喪母,人生很多點滴未能一齊分享:「唔單止婚訊,有時去旅行見到靚風景,行山後有戰勝感覺,會諗如果媽咪喺度就好,可以話佢知我人生又達多咗目標,呢個係永恒遺憾。」阿芝婚後仍跟外婆生活,她自稱管理娛樂部,未婚夫則做總務部,外婆就是全家統帥。人妻鄭秀文獲悉阿芝出嫁,竟比當事人更興奮,阿芝會以她為榜樣:「佢用咗洽當方式處理情緒,好犀利。」阿芝婚禮詳程有待安排,但她笑說已想到要將花球拋給林二汶。
而阿芝前晚接受《娛果》facebook Live的《今日ENT》訪問,她爆料未婚夫缺點是不用銀包,喜歡將銀紙搓作一團放褲袋。
採訪:陳杰、吉吉
髮型:Sam
[email protected] Hair
化妝:Shuen Kong
服裝:One And Two