周迅及高聖遠於16號當晚，喺杭州舉行嘅《關愛特殊兒童ONENIGHT公益晚會》中，兩人完騷後喺現場舉行婚禮，並於網上直播，佢哋喺圈中好友及眾多網民見證下，正式成為夫婦。當晚身穿Chanel高訂婚紗嘅周迅，與高聖遠喺台上十指緊扣，兩人交換戒指兼甜蜜咀嘴，認真sweet。

之後高氏伉儷去咗度蜜月，日前已經返抵北京；今午有網民喺微博貼咗張相，爆料指周迅高聖遠喺杭州市民中心領證。