《死亡筆記》長拍長有，荷李活已宣佈開拍真人版電影，而日本就以全新故事內容開拍續篇《死亡筆記LightuptheNEWworld》，死神同埋飾演彌海砂嘅戶田惠梨香會再次登場，而今次主角就換來東出昌大、池松壯亮及菅田將暉，片商今日公開全新預告片，兩死神都有現身，電影已定10月底開始喺亞洲各地開畫。今年夏天，大阪環球影城（USJ）更搞咗個期間限定嘅遊戲館「DEATHNOTETHEESCAPE」，呢個逃脫遊戲「DEATHNOTETHEESCAPE」要同L合作，解謎逃離密室空間。

講起L，松山研一變咗XXXL演出新片《聖之青春》安排11月上映，今日都公開首個Trailer同《死亡筆記LightuptheNEWworld》對撼，松山研一增肥扮演已故棋王村山聖，而佢嘅對手都係《死亡筆記》新主角東出昌大，又會咁啱嘅？