「咁大個女都未試過食聖誕大餐，我最鍾意食壽司同埋薯條，往年聖誕節都冇得慶祝，淨係喺屋企做功課同埋溫習。」有機會初嘗聖誕自助餐，九歲的玲玲甫進入酒店即流露出興奮雀躍的心情。身旁的十三歲姊姊Kitty亦笑瞇瞇地說：「我都係第一次嚟酒店食自助餐，啲三文魚好好味呀！」
難負擔娛樂消費
看見愛女喜形於色的樣子，其母黃女士亦感到十分欣喜。從事製衣工人的黃女士，多年前因公司裁員失業至今，剛修畢僱員再培訓課程，現時一家四口的生活開支便由其夫負擔，月入僅足餬口，扣除基本伙食開支後，還要繳付孩子的教育支出，須節衣縮食過活。
「𠵱家經濟唔好，兩個小朋友讀書開支又大，平時都好少機會帶佢哋周圍去玩，更何況出嚟食嘢，所以今日我哋都好開心。」黃女士喜孜孜地說。
另一個受惠家庭是吳女士和她兩名分別七歲及十三歲的孩子。吳女士數年前與丈夫離婚後，現靠綜援金維生，經濟緊絀。
「去酒店食一餐Buffet每個人起碼要畀二百幾蚊，屋企嘅經濟根本負擔唔起，往年聖誕都係同佢哋返教會開Party，都未試過同啲細路食自助餐；今日可以滿足到小朋友，既有禮物收同時又可享用自助美食，真係好開心。」吳女士由衷地說。
依偎在媽媽身旁，就讀小學二年級的稚子浩仔靦覥地表示：「我最鍾意食薯條同埋雪糕，同媽咪一齊食嘢好開心﹗」