林夏薇、關楚耀、海俊傑、Ana R.今日在銅鑼灣出席周秀娜舊愛陳偉成投資健身店開幕。林夏薇雖然嬌滴滴，但對身形有要求，平日保持做運動操線條，相反在健身室時會收起性感裝束變得密實，她謙虛地說：「覺得自己未係最Fit，其他人Fit過我。」而坊間的人魚線林夏薇已經擁有，但她說：「之前有練過，唔想太明顯，唔想一嚿嚿，女性唔好太乾身。」常被稱紙板人林夏薇現時體重只得90多磅，她表示有非常努力增磅至100磅，但對她而言實在有難度，令不少女性羨慕，她自稱快肥快瘦，本身是飯桶，餐餐都食白米飯，若好餸時則會吃兩大碗。

另外有指胡定欣接拍劇集《逆天奇案》時，知道有舊愛陳展鵬參與即辭演，易角由林夏薇補上，定欣曾否認說法，林夏薇對此表示：「冇聽過，劇組好有誠意邀請我參與，當初離開公司時係想多啲時間陪屋企人，又要打理生意，大家配合之下接咗套劇，個期到明年1月左右。」

陳偉成和拍檔投資超過二百萬開設第三間健身院，在逆市瞓身投資，陳偉成說：「就係巿道麻麻，我哋幫人扮靚瘦身，可以幫到好多人，但最慘傾租約係之前嘅事，若果而家發生應該可以平啲租，相信香港好快重整返。」陳偉成因身兼五間髮型屋和一家美容生意，所以難以分身做教練，而且近日亦為籌備婚事奔波，打算和未婚妻明年舉行童話故事婚禮，並和舊愛娜姐劃清界線：「唔會請佢飲，我哋好耐冇聯絡，心裡祝福大家。」

採訪：卓寶花

-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港

http://www.nextdigital.com.hk/disclaimer/