被黑客入侵而導致艷照流出嘅金像影后珍妮花羅絲（JenniferLawrence），佢嘅律師發信要求鹹網將佢嘅艷照刪走，指珍妮花擁有艷照嘅版權。不過，鹹網反駁照片嘅版權係屬於揸機影照嘅人，而佢有部分照片並唔係自拍照，所以如果珍妮花方面唔能夠提供拍照人嘅身份，或證明到佢是拍照本人，網站唔會刪走照片。

美國網站TMZ就用奧斯卡星級自拍張相做例子，雖然係用主持人艾倫狄格勒絲（EllenDeGeneres）嘅手機影，但係揸機影嗰個人係畢列谷巴（BradleyCooper），所以張相嘅版權係屬於畢列嘅。