當年今日
關於我們

隔牆有耳:市建局越洋尋人 - 李八方

蘋果日報 2008/08/22 00:00


倫敦老友報料,指日前睇當地報章《獨立報》,見到市建局刊登咗個廣告,唔係賣樓促銷樓盤,而係尋人。搞乜事市建局要越洋尋人呢?原來個廣告係想聯絡新蒲崗衙前圍村業權人,商討圍村重建事宜。
衙前圍村係市區最古老圍村,由於種種問題,重建計劃曠日持久,發展大計一直只聞樓梯響,由於唔少圍村人移居海外,所以市建局越洋尋人都唔係冇道理,有冇回音暫時未知,只能望天打卦。
據知市建區已同收購咗圍村七成業權嘅長實傾掂,共識保留圍村有歷史價值建築,如果搵到餘下少數業主,對方唔反對,重建計劃應該快有好消息。