冠軍騎師潘頓近期有幾旺，講多都無謂，總之一日如贏兩三場對他而言已嫌少。更重要係潘頓似乎想騎邊隻馬就有邊隻，各大小廐主們，總是心甘情願把實力馬向他乖乖奉上。

好似嚟緊下周三（12日）沙田泥地夜賽，潘頓便話咁易，取回葉楚航馬房最高分馬（92分）「精益求精」的帥印，人馬將角逐當晚二班泥地1200米賽。

「精益求精」同潘頓堪稱天作之合，騎過此駒6次得4冠1亞1殿，成績好到不得了。上仗1400米潘頓揀騎「信心保證」並勝出，同場「精益求精」換利敬國亦有第三。

下周三利敬國停賽，「精益求精」回配潘頓順理成章，但其實屆時利敬國就算不停賽，相信潘頓亦會把國仔踢走。

「精益求精」過去曾一戰泥地賽落第，但嗰場在李寶利胯下排11檔，全程四叠望空，結果只負2.25馬位，其實好厲害。

加上此駒近日曾由潘頓試泥閘，特登拖後，走外叠按實跟跑，刻意示人以弱，更有此地無銀感覺，今次對手級數遠遜上仗的「信心保證」、「妙算達人」，潘頓自然不會錯過機會。

-----------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX