【受虛榮心影響】黃翊復出唱歌全因兒子Wesley：想佢知爸爸嘅另一面
蘋果日報 2020/03/12 16:55
黃翊一曲走天涯
黃翊最近接受香港開電視節目《一曲走天涯》的訪問，提到在90年代憑《最愛的你》而走紅，黃翊坦言是一件神奇的事：「其實我只係識得唱歌，不過嗰陣諗到啲旋律，錄低之後交咗畀編曲人，聽完之後完全唔相信係自己作，跟住問老闆可唔可以畀我填歌詞。」不過直到92年，黃翊因為喺事業有發展嘅時候，為了愛情放棄麵包，甚至因為拒絕續約而遭雪藏，結果他走去到跳蚤市場賣T恤，後來在姐姐的邀請下，齊齊搞大排檔。
黃翊又表示一直都專心打理大排檔的生意，想不到因為一個音樂節目，令他復出樂壇：「我有二十幾年冇唱過歌，初初我都唔敢咁快應承，直到太太用兒子Wesley引誘我：『阿仔自出娘胎，只係睇到你喺大排檔走嚟走去，完全冇見過爸爸嘅另一面，你有冇諗過佢可能都想知道喎？』之後我諗諗吓又好似好有道理，嗰一刻嘅虛榮心即刻湧晒出嚟，諗住可以威畀阿仔睇，所以咪答應咗。」復出之後，黃翊還作了一首《愛到底》送給太太，希望她可以支持着，無論怎麼樣都好，最緊要就是身體健康。
黃翊坦言因為兒子的關係，才有復出唱歌的念頭。