【本報訊】兩年多前美國CNNGo網站挑選出全港最佳五大濕街市，如九龍城街市、中環嘉咸街露天街市等，讚揚貨品種類繁多、價錢便宜。惟領匯翻新街市後，化身為高級超市，逐步將舊街市消滅，食家及文化人均指傳統濕街市人情味濃厚，去買餸就如尋寶，並非一般連鎖超市可以取代。
著名食家劉健威最喜歡到九龍城街市、灣仔街市及鴨脷洲街市買食材，他大讚濕街市及露天街市熱鬧，又有人情味，「種類多、煮嘢食諗頭都多啲」。他指舊式街市又可與檔販直接溝通，「買吓買吓大家都建立咗感情，見到你一齊講吓是非，之前試過買咗兩隻花蟹680蚊，我帶唔夠現金可以記住數先，唔使袋錢都搞得掂」。他抗拒領匯將旗下街市超市化，將扼殺濕街市獨有的人情味及性格。
文化葫蘆創辦人吳文正多年來一直研究香港濕街市，追溯過去，1920年香港已經有濕街市，見證香港的發展。

「熟客留啲靚嘢畀你」

他稱自己特別喜歡行濕街市，除了有濃厚的人情味，親切感更強烈，「落街買餸，如果係熟客仔自然會特別留啲靚嘢畀你、平啲畀你咁，大家會有咁樣嘅交流，又有人情優惠，唔使攞張coupon，或者攞張卡先有優惠」。
吳文正稱，雖然濕街市給人污穢、混亂的印象，卻是亂中有序，每次去都有驚喜，認為濕街市是港人的集體記憶、城市風景的一部份，盼可保留街市的風情。