【大台咪神】50歲唐文龍輸畀6嚿腹肌足球員 黃文意鍾意男友心地好

蘋果日報 2020/06/08 13:57

拍拖足球員黃文意歐洲塞爾維亞
    現年27歲、擁有36D導彈身材的大台小花黃文意(Mandy)，現為香港大學碩士生，還有一位身家逾10億的富爸爸、「LED燈大王」黃裕發，絕對是超級筍盤。Mandy前年跟50歲的唐文龍傳譜出父女戀，除被拍到去尖沙咀共進晚餐，又被指在唐文龍生日當天與同遊大嶼山，可惜戀情最後無疾而終。
    Mandy最近終於有新戀情，原來她跟來自歐洲塞爾維亞的港甲球員Ivan Maric拍拖近半年，據悉Ivan今年只有25歲，效力球會景峰擔任後衞，在今季賽事腰斬前，他替景峰上陣10場入了4球，成績不俗。Mandy近日不停在社交網上放閃，跟男友一齊看夜景、睇動物，又去離島玩，節目非常豐富。Mandy今日接受傳媒訪問時透露跟男友相識經過，甜絲絲地說：「我哋住同一區，有一次佢問路，幾個人想幫佢。我見咁多人圍埋去，我又圍埋去，但大家好似雞同鴨講，我咁啱喺在場英文比較溝通得到嘅，跟住我哋就開始傾偈。」
    Mandy表示讀完大學後，已經有4年多沒有拍拖，問到是否鍾意男友靚仔和六嚿腹肌？她說：「一開頭係好友善嗰種交換電話，傾咗成個幾月先真正拍拖。我鍾意佢份人心地好，有一次我哋去麥記食嘢，有個男人係咁望住我哋，我以為佢係儍嘅，但Ivan就話佢應該係肚餓，結果我哋行開佢即刻執我哋啲薯條食，Ivan之後就買咗個餐畀佢食。」
    男友至今未知道Mandy家底厚，她笑說：「講佢都唔信啦，我間屋得400呎，平時佢問我鍾意做咩，我都係揀去沙灘農場。加上佢母語唔係英文，而係賽維亞文，除咗球隊嘅朋友外，好少社交活動，所以佢乜都唔知。」她透露男友亦有穩定收入：「外籍足球員喺香港其實都有兩萬幾三萬蚊人工㗎，加上佢老闆對佢好好， 比一間五百幾呎嘅私樓佢住，香港嚟講算唔錯。而家疫情隱定啲，希望佢可以快啲有波踢。」

    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    Mandy因幫助問路的Ivan Maric，繼而擦出愛火花。（IG圖片）
    empty
    Ivan Maric至今仍未知Mandy是富家女。（IG圖片）
    empty
    二人的節目豐富，當然不少得欣賞香港夜景。（IG圖片）
    empty
    （IG圖片）
    empty
    Mandy的男友Ivan Maric是一名足球員，身形當然fit到爆。（IG圖片）
    empty
    （IG圖片）
    empty
    Mandy擁有36D導彈身材（IG圖片）
    empty
    黃文意曾經跟李日昇傳過緋聞（IG圖片）