當年今日
關於我們

【賽馬節目有爛主持?】護級搶分靠泥地!鄭俊偉何良都有架生

蘋果日報 2020/05/26 19:05

護級泥地鄭俊偉何良搶分

眨吓眼今季剩低嘅賽期無多,意味着大摩就快正式告別香港,到底摩家軍呢支旗會否從此在港消失?
試想想,假若香港馬圈再沒有大摩、蔡約翰同告東尼呢類偶像級馬房,將會變成甚麼模樣?
相信最唔想見到嘅係冇接棒人,具能力帶領香港馬挑戰國際賽事,當然會有啲包拗頸嘅話,舊嘅唔走,新嘅又點會有機會?
之不過單係啲賽馬節目主持,明知已out嘅仲喺度扮叔父,後生嗰批就賽事知識貧乏,一匹八歲老馬,扮勁咁分析佢老竇血統有冇長力?求其喺投注站執件都好過佢!
冇辦法,揸弗嘅人,只係求其有跑馬show,馬迷鍾意睇就睇,唔鍾意睇亦罷,總之就關照自己友,睬你都儍!完全冇為馬迷福祉諗過!
講番大摩因年齡問題而要走,假若成績未達標嘅亦要走,護級王Michael鄭俊偉每季都僅僅夠數,已經成為護級專家。
目前佢有15Win在手,只差一Win就上岸,會否就係周三(27日)晚呢?
機會睇落好大,因為泥地賽絕對係佢搶分據點,今季Michael係泥地已攞到六冠八亞六季,成績唔講得笑,好過蘇約翰、告東尼呢啲冠軍倉。
周三Michael哥第一場四班1200米「金剛石」、第二場五班1800米「向前看」、第五場四班1200米「超然」同第八場三班1200米「公証福將」都係泥地馬,睇吓能否入多一粒安全上岸先。
另一個仲掙扎緊嘅係何良,目前13Win還需踩行副偈,打王牌嘅第二場五班1800米「喜盈運」、第九場三班1650米「都靈紅星」減夠分兼泥地好,齊齊有糊叫。
另外,第五場四班1200米「春風得意」有能力而且有運執個一檔,睇吓東東仔能否幫何良絕地打反擊!
--------------------------
【馬上看經典】「有性格」鬥「開心人」!成就遮打盃最經典鏡頭
即睇今期《馬上看經典》
--------------------------
【再冇驃叔一哥接班人?】網上科技發達評馬漸變夕陽行業!
一鍵話你知點解評馬行業日漸式微
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播 健身壹App過!
一按即玩