葉德嫻奪影后，其好友甘國亮第一時間開有氣蒸餾水慶祝，又在微博為好友抱不平說：「葉德嫻往日絕大部份得到女配角獎項的電影，在裏面論戲份都明正言順是女主角，是影片公司為勝算，硬要把她填報女配角去吸獎而已。今次如果不是劉華義無反顧一心向明月，際遇不一定完全一樣，換轉是小導演更被忽略的小製作，葉仍會被移作女配角。曾經視Deanie隱形的人，不必跟紅頂白。」
甘國亮昨又在電話中大讚劉德華說：「劉華係真心為佢（Deanie）好，佢一早已經知套戲唔喺自己身上都肯拍，唔係佢力量，阿Ann（許鞍華）都唔係咁易拍到，阿Ann幾慘㗎，次次拍戲都唔夠錢拍，今次總算夠錢拍。」

蕭定一盼合作

蕭若元早年曾跟Deanie拍拖，其兒子蕭定一昨日接受訪問時表示：「葉德嫻又唱得又演得，佢真係一個好全面嘅演員，佢呢次獲獎，為港增光，將來有機會，我好想同呢位前輩合作。」
採訪：林妃