【爆老公o氹囡囡有難度】B女比同齡小朋友高 李亞男:我啲基因贏咗
基因身高李亞男王祖藍
李亞男今日到九龍灣出席親子體驗活動,更即場着上巨型蝴蝶翅膀拍照。去年12月誕下囡囡王天韻(Gabrielle)的亞男已回復纖瘦身形,她透露有營養師幫忙:「個餐單有飯食又唔餓,而家減咗20磅,都回復番未生之前咁。」亞男指囡囡已半歲大,最近開始轉食粥仔:「每日都諗唔同嘅食物加入去,見佢追住食好開心。初初湊B唔慣都辛苦,而家睇住佢每日都成長,佢又鍾意睇書,我日日喺屋企扮貓、扮狗、扮牛,要好誇張、好生動先吸引到佢。」
問到丈夫王祖藍會扮甚麼o氹囡囡?她說:「佢好渣,平時扮少少嘢都o氹到觀眾,但對住個女要施展渾身解數,阿女先笑一下。」李亞男還自爆囡囡比同齡小朋友高:「得到我遺傳,我啲基因贏咗。」
提到早前王祖藍「被遊行」,她表示不清楚:「好耐冇八卦。」
-----------------------------
7月4日起 《蘋果動新聞》只限升級壹會員閱覽
繼續撐蘋果!
日前李亞男在IG貼出女兒照片,見Gabrielle腳仔修長。(IG圖片)