新一代寫我的志願，會揀KOL或者YouTuber，因為入場門檻低，有橋有手機，就可以開個賬號創業。補習中介平台創辦人Oscar，都是從妹妹用手機習慣得到啟發，選擇在IG平台創業，而妹妹更幫助其平台度橋製圖，創作一些迎合年輕人口味的內容。

「我妹妹曾經同我講想喺IG賣衫，我就話『唔得㗎』『好難㗎』；但因為佢真係有興趣，到近排我再問佢，佢話一個月賣到5萬幾蚊收入，我都幾驚訝！」Oscar妹妹是全職化妝師，又是YouTuber拍片教化妝，工作全都是由興趣推動，「我哋呢一代通常都由興趣出發，我有朋友係YouTuber，我阿妹男朋友都係YouTuber，佢一條片係四十萬人睇，佢哋未必諗呢個係創業過程，或者可變成一盤生意而做。」

《福布斯》2018年YouTuber收入榜，第一名是年僅8歲美國小孩Ryan，他拍玩具開箱影片，年賺2200萬美元（約1.72億港元），頻道「Ryan ToysReview」訂閱者超過1700萬人，總觀看次數達260億人次，玩具商都紛紛送上玩具讓Ryan試玩。

網紅經濟在年輕人間越來越流行，平台紅得起就有影響力賣產品賺錢。Oscar指成功與否的關鍵是，能否持之以恆，每日一Post，令粉絲記得你存在，「你要知道自己IG風格，要鋪設內容帶出甚麼感覺；例如我地目標是一班15至25歲嘅年輕人，內容要好陽光、搞笑幽默，總之圍繞住佢哋特性去創作內容；而製圖的顏色會用淺藍、淺粉、淺紫，句子擺喺頭定尾，其實都會有影響，要一一嘗試。」

記者：鍾耀恆

investMAN
For People of Style & Substance
掌握理財智慧 感受生活品味
http://facebook.com/investMAN.hk