由丹尼爾基格（DanielCraig）主演嘅占士邦(JamesBond)系列第24部作品《007：鬼影帝國》(SPECTRE)下星期有得睇，戲迷今日可以去金鐘太古廣場參觀全港首個占士邦官方電影道具展覽，有得睇多件《007：鬼影帝國》戲服及道具，做定功課先！呢個展覽就今日開始去到11月8日，展覽規共分為兩個展區。

第一展區位於太古廣場L1AreaA，將展出四套電影戲服，包括喺電影海報出現的骷髏骨服裝、由蕾雅絲端飾(LeaSeydoux)演新一代邦女郎MadeleineSwann的性感蕾絲裙及新加盟金像男星基斯杜化華茲（ChristophWaltz）的型格西裝等，而電影中非常重要的魔鬼黨戒指亦會同場展出。

同場，與占士邦系列合作20年嘅歐米茄(OMEGA)亦會在金鐘太古廣場GardenCourtLG1舉辦《007：鬼影帝國》展覽，展出由占士邦在新片內所佩戴的歐米茄海馬腕錶及多隻專程由瑞士歐米茄博物館空運到港的部份過去占士邦專用腕錶。