【爆相爆片】現年47歲的鍾麗緹共經歷了三段婚姻，分別是Glen Ross、嚴錚及現任老公張倫碩，共生了三個女兒。而現任的丈夫張倫碩是內地小鮮肉藝人，比她年輕12歲，但兩人的感情並未受到年齡影響，經常出雙入對，十分恩愛。鍾麗緹日前陪老公現身香港中環逛名店，被讀者張先生透過「爆相爆片」分享，更指小鮮肉好像大爺般，試衣服都有老婆、助手及店員服侍。
當日下午約2時許，鍾麗緹與小鮮肉老公現身中環ifc商場，同行還有一個助理，讀者張先生接受電話訪問表示：「見到佢哋入咗一間名店，鍾麗緹純粹陪老公睇衫，佢好隨意喺店內行咗一個圈，揀吓啲鞋，跟住就坐低陪老公試衫，佢老公試完外套又試恤衫又試褲。」

似家姐陪細佬

在讀者提供短片所見，鍾麗緹與助手幾乎是全程坐在店中陪試，店內還有兩位職員有貼身服侍其夫，試了幾件衣服後，張先生說：「佢喺試身室換咗衫，出嚟打個圈畀老婆睇，前前後後試咗成20分鐘，兩公婆都係唔啱心水。」問到當時有沒有見到鍾麗緹為老公選衣服？張先生表示：「見到都係老公自己揸主意，老婆坐喺度等，好似家姐陪細佬揀衫咁，最終大少爺都係揀唔啱。」他們在店內是各有各看衣服，看完張倫碩先行出來，老婆隨後行。
鍾麗緹雖然有三個女，同是姓嚴，但其實大女是姓張，與加籍的Glen Ross生的，二女與幼女就是與第二任老公嚴錚所生的，後來三個女兒都是姓嚴，去年11月鍾麗緹與張倫碩結婚一周年，三名囡囡都跟後父張倫碩改姓張。
採訪：皓鶱