江欣燕同吳積遜結束12年婚姻，外間一直傳吳積遜投資失誤，借落唔少貴利，仲要江欣燕還埋一份，吳積遜唔想欣欣幫佢搞到成身債，仲部署申請破產，於是決心離婚。

不過吳積遜人面夠廣，今日有報道話佢同米蘭站老闆姚君達好熟，對方近日關照佢，比佢喺公司入面出任採購經理一職。雖然佢就唔使日日返去尖東寫字樓，不過佢都好努力融入同事圈子，上星期就俾人影到同幾個男同事食茶，仲圍埋一齊「打邊爐」狂扯煙，抖足精神再上去繼續開工。