上市公司年報年年有，有時見到成堆數字都幾悶，謝瑞麟（417）就搞搞新意思，最新年報唔再賣珠寶，創辦人謝瑞麟同一班董事都化身飛車手，着晒皮褸揸住電單車擺pose影相，謝瑞麟扮到成個阿飛咁，當堂後生幾十年，佢新抱邱安儀（即係公司主席）都柔中帶剛，而作為公司獨立非執董嘅大家樂（341）主席陳裕光都玩埋一份，當然唔少得參加過港台節目《窮富翁大作戰》嘅公司副主席黃岳永啦。

黃岳永同華華講，今次出動埋哈利電單車其實係想玩懷舊主題，本來諗住大老闆謝瑞麟未必接受，點知佢話goodidea，先至有本咁in嘅年報咋！