【本報訊】多名被騙勞力士名錶的受害人，均指姓高騙徒精心設下圈套，身穿筆挺西裝、手戴金勞，租用海景甲級寫字樓偽裝成大公司高層，不單返公司時有女職員幫騙徒開門，更有員工斟茶遞水，令這個偽裝的公司高層全無破綻。受害人不滿共享辦公室冇王管及未核實租用者身份，令他們不慎中伏。

受害人楊先生指今次騙局「新聞都未見過，太新穎喇……大公司開設共享辦公室，其實有責任去核實租客真實身份，或應查下對方有冇商業登記……唔應該只要畀錢就乜都得，咁樣對所有人都唔公平……我難聽啲講句，佢喺裏面販毒恐怕都冇人知」。

另一受害人張先生說：「騙徒話佢係office嘅老闆，嗰間寫字樓好大，佢個look好professional，都似係一個老闆。加上佢講嘢中英夾雜，好似好有學識，睇唔出破綻。」張先生指當天騙徒帶走名錶後遲遲未返，他心覺不妙到前枱查詢，但對方回應卻令他氣結：「佢哋會用拖字訣，到你發火，佢先話唔識騙徒，想劃清界線置身事外。」

「講嘢望住你對眼唔心虛」

被偷去8萬元勞力士的受害人曾小姐亦慨嘆大盜「講大話好叻」，她透露對方與自己商討名錶價錢時，曾暗示自己是有錢人並家住半山：「佢同我WhatsApp咗足足四日去培養友誼，等我冇防範……佢講嘢會望住你對眼，一啲心虛都冇」。曾小姐稱手錶被偷後非常失落，因原本希望賣錶後與朋友夾錢做生意的夢想幻滅，現只希望警方能盡快拘捕騙徒。

■記者金敏琍、謝頌昕、徐雲庭