上季冠軍騎師潘頓自復課以來，一直每朝只操三幾隻馬。

今天（16日）晨課佢終於一轉風格，先後為五個馬房操馬，包括葉楚航、沈集成、賀賢、大摩同埋蘇偉賢，就知佢操咗嘅馬肯定好多，一共十匹馬，冠絕同儕，相信係考驗自己嘅體能之餘，顯示自己有幾多支持度。

喺十匹馬入面，賀賢馬房「小巨人」係最為注目，喺潘頓胯下，在草地沿海旁欄順走跳兩段，後400米加速，《蘋果馬經》晨操專家積奇指呢匹馬衝刺力強，復課受操，狀態起得唔錯。

事實上，「小巨人」過往三戰全由騎者上陣，取得2W1P嘅極佳成績，可惜呢匹馬一年內連續左前腿受到傷患侵襲，賀賢之後一直安排呢匹馬休息冇出過賽。

而自6月20日復操以來，「小巨人」冇咗停操過，證明健康已回復正常，加上潘頓今次擸咗嚟操，質新馬久休復出肯定留意。