葉翠翠和LisaS.昨日聯同一眾女模在商場行天橋。打頭陣的LisaS.拋胸亮相，翠翠則壓軸出場，演繹著名時裝設計師陳刀作品、靈感來自劇集《楊門女將》的服飾，其巨型頭飾還插上長長雉尾，出場時不慎勾到佈景板，之後她即醒目地用手按着雉尾。

出嫁依中國習俗

現場見翠翠消瘦不少，談到母親的病情，她說：「媽咪呢幾日入咗醫院做檢查，我都有陪佢入去，仲住咗幾日，因為太攰，我惟有挨喺房裏面張梳化瞓，媽咪都問我使唔使同我調位。」翠翠又表示用公眾洗手間頗不方便，試過洗澡時被護士拍門催她抽血。她承認有想過捐腎給母親，但情況未如報道般誇張，又指母親健康比前為佳。
至於LisaS.則表示行騷時很擔心走光，故格外小心，她又謂很欣賞中國文化，還說：「如果將來嫁給中國人，我一定會尊重佢哋，依足傳統婚嫁習俗。」問她嫁吳彥祖又如何？她笑言：「佢都係中國人，到時會係一個中式一個西式婚禮！」
採訪：吳佩思
攝影：陳偉權