佢4月嗰陣跟完樂施會去尼泊爾偏遠農村考察之後,仲有好深體會──就係窮人更加願意幫人,一條村裏面,每人每月出10個盧布,好似以前香港嗰啲標會咁,月尾邊個有用就拎去先。
講番今年目標,出錢又出力嘅老王話,預咗係辛苦,舊年直頭行到想死咁滯,好在行到一半,俾人認出兼仲叫佢行快啲,咁先支持到佢撐埋落去……而玩咗4屆嘅樂施毅行者籌委會主席陳智思就向老王教路,佢話自己頭兩屆衰咗,係因為想爬人哋頭,完全無諗過中途見到好精神嗰啲係半途插入嘅,所以老王應該慢慢嚟,行自己嘅路……
咁有意義華華一定要寫多兩句,毅行者呢個禮拜五至日舉行,今年有1150隊參賽(有300隊係企業組隊),係歷屆之冠,而籌款目標係2600萬港元,記得多多支持呀!
李華華