【新增動新聞】
建制派去年11.24區議會選舉大敗，但係輸咗嘅人，原來先係最大贏家，多個建制落選人都獲特區政府分餅仔派公職，而且喺阿爺一定大開水喉下，建制最大政黨民建聯嘅地區力量肯定唔會萎縮，民建聯主席李慧琼就話籌備緊資源，喺全港各區新增一至兩個支部，似乎都係為咗立法會選舉來臨前鞏固地區實力鋪路，之但係佢哋應對選舉同面對武漢肺炎宣傳公共衞生嘅力度，似乎好大落差，事關李慧琼今日帶病落區見街坊，竟然唔戴口罩，係繼黨友柯創盛戴錯罩後，又一反面教材。

民建聯今日搞全港服務日，喺全港多區擺街站，話要同市民講佢哋初心不變，會繼續服務街坊，帶病上陣嘅琼子未到中午已經跑咗兩場，又聯同兩個同樣輸咗區會議席嘅副主席張國鈞、周浩鼎喺小西灣見街坊，第一個服務就係幫街坊做選民登記兼派揮春，闡釋民建聯服務初心如何不變，又話街坊最近因為武漢肺炎而好關注健康問題，所以佢哋都要走訪18區宣傳公共衞生。

但琼子發言嗰陣不斷走音，似乎有啲不適，佢事後都話身體抱恙，但全程未見戴返個口罩，唔知係咪唔記得《蒙面法》已經失效？抑或怕步黨友柯創盛後塵，甩轆地反轉口罩嚟戴？

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
無懼警暴 學懂自救
《抗暴之戰●法例須知》讀果 上架
-----------------------------
【撐學生】
召集有心人 撐學生全年睇《蘋果》
立即按此