【本報訊】港鐵被揭發在南港島線金鐘地盤掘出百年炮台海堤遺址，但拒絕停工。古蹟辦及港鐵昨午安排古諮會委員實地視察，委員高添強視察後指，港鐵已把發掘到海堤遺址的位置填平，「已經填咗、拆咗，只靠幾幅相片唔可以有任何判斷」。古諮會主席陳智思承認對事件敏感度不足，建議古蹟辦日後若發現任何考古遺址或文物，應主動向外公佈，釋除外界疑慮。
南港島線金鐘地盤地底有百年海堤遺址，但古蹟辦及港鐵竟然只以照片、繪圖及文字方式記錄及保存石塊，繼續施工。為求「補鑊」，古蹟辦及港鐵昨安排八名古諮會成員到地盤視察約45分鐘。
其後，古諮會主席陳智思稱，港鐵工程期間發掘到約20多塊1米闊、5米長的長條形石塊。

港鐵稱未能保留炮台

陳智思稱，委員聽取港鐵、古蹟辦等考古專家分析後，認同並非威靈頓炮台遺址，但承認未能在現場視察到海堤原本的遺址，「好可惜港鐵因安全同工程原因，將發掘到海堤遺址嘅地方填平，只係睇到海堤嘅麻石，委員絕對唔可以因為10幾條石塊判斷，老實講句大家（委員）靠估，都要相信專家」。
專門研究二戰時期香港歷史的古諮會委員高添強指，考古專家的分析未能說服他相信威靈頓炮台遺址已經不存在，「睇返地圖、現場環境，威靈頓炮台就可能喺家搵到海堤位置10米或8米外。如果有辦法在未破壞前保留下來，有冇可能呢？但港鐵工程人員話做唔到，家冇辦法，有啲可惜」。
港鐵環境事務經理關健恩指，9月25日地盤承建商發掘到幾塊石頭並通知獨立考古學家，再通知古蹟辦，兩日後古蹟辦同意港鐵的保存方法。