Facebook近日瘋狂出現歌手譚詠麟炒虛擬貨幣的「發達秘密廣告」，繼而導入假新聞網站。早前金管局亦發聲明，估計有超過2,000位市民，在交易過程中透露信用卡資料。

TVB前財經主播，現為花旗高級投資策略師兼助理副總裁陳正犖，亦無端成為假新聞的主角之一。有關假新聞網站，以陳正犖數年前擔任主播時的片段截圖作招徠，並於內文指譚詠麟接受其訪問「發達心得」。

陳正犖為此大呻冤枉，指自上周起開始收到朋友提醒，發現他的肖像被用作與譚詠麟一齊賣投資產品，「咁一定有影響，因為我而家做財富管理、投資策略工作，根本我就從來冇同譚校長做過咁樣嘅訪問，同埋嗰個係咪合法投資產品，咁係不得而知，所以變咗令大家有唔好嘅聯想。」他表示，「我本身連譚詠麟本人都未見過。」

他提醒，市民於不同途徑接觸投資產品時，應了解產品是否合規合法；特別一些廣告，可能盜用公眾人物或知名人士肖像作宣傳，他呼籲市民要小心分辨真偽，「我哋而家成日講要fact check，真係要做好呢樣功夫，投資唔可以馬虎。」

被問到有否作相應投訴行動，他表示自己亦不斷於Facebook report，「但好似冇咩用，因為今日仲有人Send畀我。」講到追究，他笑言，「譚校長同劉德華都未追究，幾時輪到我。」
---------------------
兩次聚會 六大名家
分享長中短投資部署
立即點擊參加
蘋果動新聞 x 瑞萬通博【亂市投資攻略】
活動詳情： https://bit.ly/2lMN6tE
-----------------------------
基金資料大集合 一書幫你贏盡強積金
點擊即睇《贏盡強積金》電子書