最近一些賽果難以想像，國際米蘭慘敗，始終羅馬實力相當；但巴塞隆拿可以輸4球給基達菲，同之前曼聯完全被AC米蘭技術性擊倒，都令人不能置信，亦令自己開始懷疑，球場到底是否仍是英雄地？護級或獎盃，又是否如外人所想般重要？

雖然賽果撲朔迷離，還是揀那些具備競爭意義的賽事下注，例行公事更加難提。先正正路路博一注荷甲附加賽2串1，阿積士過阿爾克馬爾。上回合兩軍都未能在客場勝出，但兩隊回到主場威力大增，而且這些賽事應利熱門，首回合失利，今次回合信心更大，應可望扭轉近期關鍵賽事冷門迭爆的潮流，簡簡單單主W2串1，有兩倍以上已算不錯。

荷甲附雙「阿」可過關

英超煞科，尚有幾場有意義的賽事，但上季熱刺被韋斯咸所挫，前季西布朗神奇護級成功，反映賽果難以預測，還是閃避為宜。比較正路是博曼聯繼續出副選，但自己興趣則不大，何況賠率有太筍之嫌。
寧願向西甲埋手，先揀畢爾包，估計可以保住傳統不用降班，主場出戰兵疲的拉科，應該趁機會彈甩榜尾3隊，拉科本身攻力極弱，畢爾包坐和望贏，唯一是賠率亦偏熱，但在不勝無歸的環境，希望順利開出。

西甲前列隊乏味棄之

另一心水是切爾達，揀這支球隊是逆數據。不過利雲特應有頗大機會降班，人腳本身有限，又非年輕，情況似足英超的韋根，切爾達始終較具名氣及級數，相信和畢爾包一樣，可在眾志成城、一眾友好幫忙之下成功留級，今季不用踢歐洲賽，要降班便相當不值。
前列球隊方面，近期反而以皇馬較正氣，巴塞可以輸盃，似乎遠遠不及上季，但3支爭標隊只得西維爾較有賠率，卻在對手有以逸待勞優勢的處境，還是悉數避開算數。

黃國英
豐盛資產管理董事，資深球迷，上季以投資角度撰寫專欄及提供貼士，廣受歡迎。
電郵：[email protected]