【靜香談乖女】光希15歲任宣傳大使現身表參道
木村拓哉工藤靜香Koki木村光希
靜香不幸被女性選為「最討厭女性名人」,但仍以星媽嘅高姿態受訪。
木村拓哉同工藤靜香嘅15歲細女光希(Koki)今年強勢出道,成為最強星二代,尤其在網絡嘅影響力更加係非同小可。Koki獲意大利珠寶品牌BVLGARI起用為最年輕宣傳大使,佢日前就喺Instagram公開身在比利時嘅新相,自言又有新搞作將於下月宣佈。
Koki目前嘅IG追隨人數逾125萬,昨日佢又公開一段50秒短片,見佢扮到靚靚咁以代言人身份到BVLGARI位於表參道嘅pop up store參觀,上載未夠15個鐘已達55萬次觀看紀錄。
至於媽咪靜香,最近雖不幸被女性選為「最討厭女性名人」,但仍無阻佢呢排高調嘅星媽作風,近日佢再以畫家身份有油畫畫作打入「第103屆二科展」,靜香現身六本木嘅國立新美術館會場,接受傳媒訪問仲提起兩個乖女,表示會全力支持Koki在圈中發展。
精選娛聞,喺晒《娛果》
http://fb.com/appledailyent